ސްކޫލް ޑިޖިޓަލައިޒިންގ ޕްރޮގްރާމަށް ބެލެނިވެރިން އަހުލުވެރިކުރުމަށްޓަކައި ބެލެނިވެރިންގެ ޢާންމު ބައްދަލުވުމެއް ބާއްވައިފިއެވެ. މި ބައްދަލުވުމުގައި މި ސްކޫލުގެ 337 ބެލެނިވެރިންނާއި ސްކޫލުގެ ހުރިހާ މުއައްޒަފުން ބައިވެރިވިއެވެ. މި ބައްދަލުވުމުގައި 2018 ވަނަ އަހަރުގެ ފުރަތަމަ ޓާމުގައި ސްކޫލް ހިގާފައިވާ ގޮތާއި، ދެވަނަ ޓާމުގައި ސްކޫލުގައި ކިޔަވައިދިނުން ރޭވިފައިވާ ގޮތުގެ މަޢުލޫމާތު ޕްރިންސިޕަލް ދެއްވިއެވެ. ފ
މިއަހަރުގެ ދެވަނަ ޓާމުގައި ކިޔަވައިދޭ ބައެއް ގަޑިތަކުގައި ޓެބްލެޓް ބޭނުންކޮށްގެން ކިޔަވައިދިނުމަށް ހަމަޖެހިފައިވާތީ އެކަމާ ގުޅޭގޮތުން ބެލެނިވެރިންނަށް މަޢުލޫމާތު ދެވުނެވެ. އެގޮތުން ޓެބްލެޓް ބޭނުންކުރުމުގައި ދަރިވަރުން އަދި ބެލެނިވެރިން ޢަމަލުކުރާނޭގޮތާއި، އުނގަންނައިދިނުމުގައި ޓެބްލެޓް ބޭނުންކުރާނެ ގޮތުގެ މަޢުލޫމާތު ދެވުނެވެ. މ
މީގެ އިތުރުން 2018 ވަނަ އަހަރުގެ ފުރަތަމަ ކުއާޓަރ އަދި ދެވަނަ ކުއާޓަރގައި ޙާޟީރީއިން 100 އިންސައްތަ ހޯދި މުއައްޒަފުންނަށް ޕީ.ޓީ.އޭގެ ފަރާތުން ފައިސާގެ އިނާމު ދިނުން އޮތެވެ. ގ