ދިވެހިރާއްޖޭގެ ހުރިހާ ސްކޫލްތަކެއްގެ ދަރިވަރުން ، ތިމާވެއްޓަށް އަންނަމުންދާ ބަދަލުތަކަށާއި ފަރުތަކަށް ދިމާވާ މައްސަލަތަކަށް ހޭލުންތެރިކަން އިތުރުކުރުމުގެ ގޮތުން މިނިސްޓްރީ އޮފްް އެޑިއުކޭޝަނުން ކުރިޔަށް ގެންދަވާ 'ފަރުކޮއި' ޕްރޮގްރާމުގެތެރެއިން މި ސްކޫލުގެ 472 ދަރިވަރުން ފަރަށް ފީނައިގެން ތިނަދޫ ދެކުނުފަރާތުގައި އޮންނަ ކޮޑަކަނޑުގެ ފަރު ބެލުމުގެ ޙަރަކާތް ފުރިހަމަ ކޮށްފިއެވެ. މި ޙަރަކާތް ކުރިޔަށް ގެންގޮސްފައިވަނީ އޮކްޓޫބަރ 23، 24، އަދި 25 މި ތިން ދުވަހުއެވެ. މި ޕްރޮގްރާމް ކުރިޔަށް ގެނދިއުމުގައި މި ސްކޫލުގެ ދަރިވަރުންނާއި މުދައރިސުން ވަރަށް ޝައުޤުވެރިކަމާއެކު ބައިވެރިވިކަން ފާހަގަ ކުރެވުނެވެ. 3 ދުވަހުގެ މުއްދަތަށް ގެންދެވުނު މި ޕްރޮގްރާމުގައި މި ސްކޫލުގެ ބެލެނިވެރިންގެ އިތުރން، ތިނަދޫ ޕްލިސް ސްޓޭޝަނާއި އެމް.އެން.ޑީ.އެފް (ކާނޑެއްދޫ)ގެ އިތުރުން ތިނަދޫ ފަޔަރ ސްޓޭޝަނާއި، ޑރ.ޢަބދުއްޞަމަދު މެމޯރިއަލް ހޮސްޕިޓަލުގެ ފަރާތުން ވަރަށް ބޮޑަށް އެހީތެރިކަން ލިބިފައި ވެއެވެ. މީގެ އިތުރުން، ތިނަދޫ، ތާޖް، ނަސީމުގެ ފަރާތުންނާއި، ގދ.އަތޮޅު ތަޢުލީމީ މަރުކަޒާއި ތިނަދޫ ތޯތާގޭގެ ފަރާތުން ވަރަށް ފުރިހަމަ އެހީތެރިކަމެއް ލިބިފައި ވެ.
މ