ތިނަދޫ ސްކޫލުގެ ހަތަރު ބައިގެ މެދުގައި ބޭއްވުނު އަދަބީ ފޯވަހި ނިމުމުގެ ރަސްމިއްޔާތު 16 އޮގަސްޓް 2018 ގައި ތިނަދޫ ސްކޫލު ހޯލުގައި ބޭއްވިއްޖެއެވެ. މިރަސްމިއްޔާތު ޝަރަފުވެރިކޮށްދެއްވީ ދިވެހި ސިވިލް ސަރވިސް ކޮމިޝަނުގެ ރައީސް ޑރ.ޢަލީ ޝަމީމެވެ. އެމަނިކުފާނުގެ އިތުރުން ދިވެހި ބަހުގެ އުސްތާޛު އަލްފާޟިލް އާދަމް ނަސީރު އިބްރާހީމް އާއި ހިލޭ ސާބަހަށް މަސައްކަތް ކުރުމުގެ ރޮނގުން 2016 ވަނަ އަހަރު ހިތްވަރު ދިނުމުގެ އިނާމު ޙާޞިލް ކުރައްވާފައިވާ ޙަސަން ޝިޔާމު ބައިވެރިވެ ވަޑައިގެންނެވިއެވެ. މީގެ އިތުރުން ތިނަދޫގެ ތަޢުލީމީ މުވައްސަސާތަކުގެ އިސްވެރިންނާއި، މުބާރާތްތަކަށް އިންޞާފު ކުރެއްވި ފަނޑިޔާރުންވެސް ބައިވެރިވެ ވަޑައިގެންނެވިއެވެ
10