ތިނަދޫ ކައުންސިލުން އިންތިޒާމްކޮށްގެން، ތިނަދޫގެ ސްކޫލްތަކާއި، ޤުރްއާން ކްލާސްތަކުގެ އިތުރުން އަމިއްލަގޮތުންވެސް ވާދަކުރެވޭ ގޮތަށް ބޭއްވި 9ވަނަ ޤުރްއާން މުބާރާތުގެ ބަލައިގެން ކިޔެވުމާއި ހިތުން ކިޔެވުމާއި ދެ ގޮފިން އެއްކޮށް މުޅިމުބާރާތުގެ ފަޚުރުވެރި 1ވަނަ ތިނަދޫ ސްކޫލުން ޙާޞިލް ކޮށްފިއެވެ.  ބަލައިގެން ކިޔެވުމުގެ ގޮފީގައި  34 ދަރިވަރުންނާއި ހިތުން ކިޔެވުމުގެ ގޮފީގައި 32 ކުދިންނާއެކު ޖުމްލަ 66 ދަރިވަރުން މި މުބާރާތުގެ 5 ޢުމުރުފުރާގައި މި ސްކޫލުން ވާދަކޮށް ގިނަ ކާމިޔާބީތަކެއް ޙާޞިލް ކޮށްފައި ވެއެވެ.  މިގޮތުން ލިބުނު ކާމިޔާބީތަކުގެތެރޭގައި؛

 ދެ ގޮފިން އެއްކޮށް މުޅިމުބާރާތުން 1ވަނަ ސްކޫލް

ހިތުން ކިޔެވުމުގެ ގޮފިން ޖޫނިއަރ ގްރޫޕުން 1ވަނަ  ސްކޫލް

ހިތުން ކިޔެވުމުގެ ގޮފިން ޕްރީސްކޫލްތަކުގެ ބައިން 1ވަނަ ސްކޫލް

ބަލައިގެން ކިޔެވުމުގެ ގޮފިން ޖޫނިއަރ ގްރޫޕުން 2ވަނަ ސްކޫލް

ބަލައިގެން ކިޔެވުމުގެ ގޮފިން ޕްރީސްކޫލްތަކުގެ ބައިން 2ވަނަ ސްކޫލް

ހިތުން ކިޔެވުމުގެ ގޮފިން ސީނިއަރ ގްރޫޕުން 3ވަނަ ސްކޫލް

ހިތުން ކިޔެވުމުގެ ގޮފިން މުޅި މުބާރާތުން 3ވަނަ ދަރިވަރު – ޒައިނަބު ބިންތި ނަޞްރުﷲ

ބަލައިގެން ކިޔެވުމުގެ ގޮފިން މުޅި މުބާރާތުން 3ވަނަ ދަރިވަރު – މުސްޢަބް ބިން ޢުމައިރު ބިން އިބްރާހީމް

ހަތް އަހަރުންދަށް ބަލައިގެން ކިޔެވުމުން 1ވަނަ – ޢަލީ އައިޒް ވަޙީދު

އެގާރަ އަހަރުންދަށް ބަލައިގެން ކިޔެވުމުން 1ވަނަ – މުސްޢަބް ބިން ޢުމައިރު ބިން އިބްރާހީމް

 ތޭރަ އަހަރުންދަށް ބަލައިގެން ކިޔެވުމުން 1ވަނަ – ކުލްޘޫމް ބިންތި ޝާމިލް

ހަތް އަހަރުންދަށް ހިތުން ކިޔެވުމުން 1ވަނަ – ފާޠިމަތު ނީމް ޝިފާޒް

 އެގާރަ އަހަރުންދަށް ހިތުން ކިޔެވުމުން 1ވަނަ – ޒައިނަބް ބިންތި ނަޞްރުﷲ

ނުވަ އަހަރުންދަށް ބަލައިގެން ކިޔެވުމުން 2ވަނަ – ޢާއިޝަތު ރައިޝާ އިބްރާހީމް ރުސްތުމް

 ހަ އަހަރުންދަށް ހިތުން ކިޔެވުމުން 2ވަނަ – އިޒްކާ ބިންތި އިބްރާހީމް

ހަ އަހަރުންދަށް ހިތުން ކިޔެވުމުން 2ވަނަ – އަޙުމަދު ޖުމާން ޖަލާލް

 ހަތް އަހަރުންދަށް ހިތުން ކިޔެވުމުން 2ވަނަ – ލުޤްމާން ބިން މުޙައްމަދު އިބްރާހީމް

 އެގާރަ އަހަރުންދަށް ހިތުން ކިޔެވުމުން 2ވަނަ – އިބްރާހީމް އާހިލް މުޙައްމަދު

ހަ އަހަރުންދަށް ބަލައިގެން ކިޔެވުމުން 3ވަނަ – ޢާއިޝަތު ލައިބާ ބިންތި އަޙުމަދު

ހަ އަހަރުންދަށް ބަލައިގެން ކިޔެވުމުން 3ވަނަ – ޢާއިޝަތު ޢީޝް ބިންތި މުޢާޛް

 ހަތް އަހަރުންދަށް ބަލައިގެން ކިޔެވުމުން 3ވަނަ – ސަނާޔާ ޙަސަން ޝަމްޢޫން

ނުވަ އަހަރުންދަށް ބަލައިގެން ކިޔެވުމުން 3ވަނަ – ޔޫސުފް މިރުޒާން އަޙުމަދު

 ހަ އަހަރުންދަށް ހިތުން ކިޔެވުމުން 3ވަނަ – ނުޞައިބާ ބިންތި އަޙުމަދު

މި ގިނަ ކާމިޔާބީތައް ލިބުމުގައި ތިނަދޫ ސްކޫލުގެ ޤުރްއާން ކޯޑިނޭޓަރ އާމިނަތު ޢަވާނާ ރަޝީދު، ޤުރްއާން މުދައްރިސާ ލީޒާ އާދަމް، ޤުރްއާން މުދައްރިސާ ނަބާޙަތު މުޙައްމަދުގެ އިތުރުން ތިލާވާ ޤުރުއާން ކްލާހުގައި ދަރިވަރުންނަށް އެހީތެރިވެދެއްވި އެންމެހައި މުދައްރިސުން ކުރެއްވި ބުރަ މަސައްކަތް ތިނަދޫ ސްކޫލުން ފާހަގަކުރެއެވެ.  ހަމަމިއާއެކު، ދަރިވަރުންގެ ޤުރްއާނުގެ ހުނަރު ކުރިއެރުވުމަށްޓަކައި ބެލެނިވެރިންނާއި ތިނަދޫގެ ޤުރްއާން ކްލާސްތަކުން ކުރައްވާ މަސައްކަތްތައްވެސް ޝުކުރުވެރިކަމާއެކު ތިނަދު ސްކޫލުން ބަލައިގަނެއެވެ.

މި ސްކޫލުގެ ދަރިވަރުންގެތެރެއިން 2020ވަނަ އަހަރަށް ހޮވުނު ދަރިވަރުގެ އިސްވާރުންނަށް މަޤާމް ޙަވާލުކުރުމުގެ ރަސްމިއްޔާ 15 ސެޕްޓެމްބަރ 2020 ވަނަ ދުވަހުގެ ރޭ 8:30ގައި ބޭއްވިއްޖެއެވެ.  މިރަސްމިއްޔާތުގައި، މި ސްކޫލުގެ 41ދަރިވަރަކަށް ޕްރިފެކްޓްކަން ޙަވާލުކުރެވުނުއިރު ދަރިވަރުންގެ އިސްވާރުންގެ މަޤާމް 17 ދަރިވަރުންނާ ޙަވާލުކުރެވުނެވެ.  'ގޫގުލް މީޓާ'އި 'ފޭސްބުކު'ން ދާދިވަރުކޮށް ކުރިޔަށް ގެންދެވުނު މި ރަސްމިއްޔާތުގައި، މި ސްކޫލުގެ ދަރިވަރުންނާއި ބެލެނިވެރިން އަދި ހުރިހާ މުއައްޒަފުން ބައިވެރިވެލެއްވިއެވެ.  މި ރަސްމިއްޔާތު ޝަރަފްވެރި ކޮށްދެއްވީ ތަޢުލީމަށް ގިނަގުނަ ޚިދުމަތްތަކެއް ކުރައްވަމުން ގެންދަވާ، އެވިޑް ކޮލެޖުގެ ބާނީ ޢަބަދުﷲ މުސްތާޤް ރަޝާދެވެ.  ލީޑަރެއްގެ ކިބައިގައި ހުރުން މުހިއްމު ސިފަތަކާއި،  ރިވެތި އަޚުލާޤުގައި ހިފުމުގެ މުހިއްމުކަމުގެ މައްޗަށް އަލިއަޅުވާލައްވައި، ޝަރަފްވެރި މެހުމާނު ވާހަކަފުޅުދެއްކެވިއެވެ.  ހ

މި ސްކޫލުގެ 'މެތު ކޭމްޕް' (ހިސާބު ކޭމްޕް) 18 އޮކްޓޫބަރ 2019 ވަނަ ދުވަހު ބޭއްވިއްޖެއެވެ.  ގްރޭޑް 4، 5 އަދި 6ގެ ދަރިވަރުންނަށް ބޭއްވުނު މި ކޭމްޕްގައި، ހިސާބު މާއްދާއިން ދަރިވަރުންނަށް އުދަގޫވާ ބައެއް ކޮންސެޕްޓްތައް ދަރިވަރުންނަށް ފަސޭހައިން ވިސްނޭނެހެން، ދިރިއުޅުމާ ގުޅުވައިގެން އޮޅުން ފިލުވައިދިނުމުގެ ގޮތުން ދަރިވަރުން ގަޔާވާފަދަ ޙަރަކާތްތަކެއް ގެންދެވުނެވެ.  މިގޮތުން ތުރީޑީ ޝޭޕްތައް ހެދުމާއި، ދިގުމިން، ބަރުދަން، ޕެރިމީޓަރ، އޭރިއާ، ވޮލިއުމް ހޯދުންފަދަ މަސައްކަތްތައް ޢަމަލީގޮތުން ކުރުމުގެ ފުރުޞަތު މި ކޭމްޕުން ދަރިވަރުންނަށް ފަހިކޮށްދެވުނެވެ. ވ 

މި ކޭމްޕް ކާމިޔާބުކަމާއެކު ގެންދިއުމުގައި މި ސްކޫލުގެ ހިސާބު މުދައްރިސުންގެ އިތުރުން ލީޑިންގ ޓީޗަރުންނާއި، އެހެނިހެން މުދައްރިސުންނާއި މުއައްޒަފުން އަދި ބެލެނިވެރިންގެ ފަރާތުން އެހިތެރިކަން ލިބިފައި ވެއެވެ. ތ 

ވަ 2019 ވަނަ އަހަރުގެ މުދައްރިސުންގެ ދުވަސް 6 އޮކްޓުބަރ ގައި، ވަރަށް ކުލަ ގަދަކޮށް މި ސްކޫލުގައި ފާހަގަ ކުރެވުނެވެ.  ޤައުމު ބިނާކުރުމަުގައި މުދަްރިސުންގެ ދައުރުގެ މުހިއްމުކަން ފާހަކުރުމާއެކު، މުދައްރިސުން ކުރައްވާ ބުރަ މަސައްކަތުގެ އަގު ވަޒަންކުރުމުގެ ބޭނުމުގައި ފާހަގަކުރި މި ދުވަސް ފެށުނީ 7:00 ގައި މުދައްރިސުން ސްކޫލަށް ޙާޟިރު ވުމާއެކު އެސް.އެމް.ޓީގެ މެމްބަރުންގެ ފަރާތުން ކޮންމެ މުދައްރިސަކަށް ވެދުންކުރެވުނު ފިނިފެންމަލަކުންނެވެ.  ޕީ.ޓީ.އޭގެ ބެލެނިވެރިންނާއި، ސްކޫލުގެ އަމުރުވެރި ދަރިވަރުންވެސް ބައިވެރިވި މި ޙަރަކާތަށްފަހު ދެންއޮތީ މުދައްރިސުންގެ ޝަރަފުގައި އޮތް ރިފްރެޝްމެންޓެކެވެ.  އެއަށްފަހު ދެން އޮތީ މުދައްރިސުންގެ ދުވަހަށް ޚާއްޞަކޮށްގެން ބޭއްވި އެސެމްބްލީއެވެ.  މި އެސެމްބްލީގައި މުދައްރިސުންނަށް ޝުކުރާއި ސާބަހުގެ ދެ ލަވަ ދަރިވަރުން ހުށަހަޅައިދިނެވެ.  އަދި އަމުރުވެރި ދަރިވަރުންގެ ފަރާތުން މުދައްރިސުންނަށް ޝަރަފުގެ ކާޑު ޙަވާލުކުރުން އޮތެވެ. ވ

ދުވަހުގެ ސެޝަން ހިގަމުންދިޔައިރު، ދަރިވަރުންގެ ފަރާތުން މުދައްރިސުންނަށް މަލުގެ ގުލްދަސްތާތަކާއި ކާޑު ތައް ހަދިޔާކުރުމާއި ކްލާސްތަކުގައި ދަރިވަރުންނާއި ބެލެނިވެރިންގެ ފަރާތުން މުދައްރިސުންގެ ޝަރަފުގައި ކޭކުފެޅުންފަދަ އުފާވެރި ޙަރަކާތްތައް ކުރިޔަށް ދިޔައެވެ. ސެޝަން ނިމުމަށްފަހު މުދައްރިސުންގެ ދުވަހުގެ ޚާއްޞަ ކޭކު ފެޅުމާއި ސްޓާފުންނަށް ސްކޫލުގެ ފަރާތުން ދޭ ހަދިޔާ، ސްކޫލުގެ ސްޓާފުންގެ އެކްޓިވިޓީ ޓީޝާޓް ޙަވާލުކުރުން އޮތެވެ. ނ

އޮކްޓޫބަރ 7 ވަނަ ދުވަހުގެ ރޭ ސީކްރެޓް ފްރެންޑުންގެ ހަދިޔާ ބަދަލުކުރުމާއި، މަޖާ ގޭމްތައް ކުޅުމުގެ އިތުރުން ހުރިހާ ސްޓާފުން އަމިއްލައަށް ތައްޔާރުކުރި ރޭގަނޑުގެ ކެއުމެއް އޮތެވެ.  މުދައްރިސުންގެ ދުވަހާ ގުޅުވައިގެން ސްކޫލުގެ ފަންޑު މުއްސަނދި ކުރުމުގެ މަޤުޞަދުގައި 10 އޮކްޓޫބަރ ގައި ވެހިކަލް ދޮވެ ސާފުކުރުމުގެ ޙަރަކާތެއް ހުރިހާ ސްޓާފުންގެ ބައިވެރިވުމާއެކު ކުރިޔަށް ގެންދެވުނެވެ.  އަދި 10 ވަނަ ދުވަގެރޭ، ބެލެނިވެރިންގެ ފަރާތުން މުދައްރިސުންނަށް ދެއްވި ސަރޕްރައިޒް ޑިނަރއެއް އޮތެވެ.ނ  

މި ސްކޫލުގެ ސްކައުޓުންނާއި ގާރލްގައިޑުންނަށް ބޭއްވުނު އެއްދުވަހުގެ އޯވަރނައިޓް ކޭމްޕް، "ހޭޅި ކޭމްޕް" މި ސެޕްޓެމްބަރުމަހު 3 ވަނަ ދުވަހު މެންދުރު ފަހު 2:00ން ފެށިގެން 4ވަނަ ދުހުގެ 6:00އަށް ކުރިޔަށް ގެންދެވުނެވެ.  މިއީ، ދަރިވަރުންނަށް،ދިރިއުޅުމުގެ ރީތި އާދަތައް ދަސްކޮށްދީ އެކަންކަން އެ ކުދިންގެ ކިބައިގައި އަށަގެންނުވުމާއެކު، އެކަކު އަނެކަކަށް އިޙުތިރާމް ކުރުމާއި، ވަގުތަށް ޙުރުމަތްތެރިކޮށްހިތުމާއި، އަމިއްލަނަފްސަށް އިތުބާރުކުރަން ދަސްކޮށްދިނުމާއި، ތަފާތު މިޒާޖުގެ ކުދިންނާ އެކުގައިއުޅެން ދަސްކޮށްދިނުމުގެ އިތުރުން ދިރިއުޅުމަށް ކޮންމެހެން ބޭނުންވާ ބައެއް ހުނަރުތައް ދަސްކޮށްދިނުމުގެ މަޤްޞަދުގައި ބޭއްވުނު ކޭމްޕެކެވެ. 

މި ކޭމްޕުގައި މި ސްކޫލުގެ ހުރިހާ ސްކައުޓުންނާއި ގައިޑުން ބައިވެރިވެފައިވާއިރު، ކޭމްޕުގެ މުދައްރިބުންގެ ގޮތުގައި މި ސްކޫލުގެ ސްއުޓް ލީޑަރުންނާއި ގައިޑް ލީޑަރުން ބައިވެރިވެފައި ވެއެވެ.  މީގެ އިތުރުން މި ސްކޫލުގެ ގިނަ ޓީޗަރުންނާއި ގދ.އަތޮޅު ތަޢުލީމީ މަރުކަޒުގެ ސްކައުޓުން ވޮލަންޓިއަރުންގެ ގޮތުގައި މި ކޭމްޕްގައި އެހީތެރިވެ ދެއްވާފައި ވެއެވެ.    

މި ކޭމްޕް ކުރިޔަށް ގެންދިއުމުގައި މި ސްކޫލުގެ ބެލެނިވެރިންނާއި އެންމެހައި މުއައްޒަފުންގެ ފަރާތުން ވަރަށް ފުރިހަމައަށް އެހީތެރިކަމާއި އެއްބާރުލުން ލިބިފައި ވެއެވެ.ގ 

މި ސްކޫލުގެ ބެލެނިވެރިންގެ  ދުވަހުގެ ޙަރަކާތްތައް 29 ސެޕްޓެމްބަރ 2019 ވަނަ ދުވަހު ފެށިގެން ކުރިޔަށް ގެންދެވިފައި ވެއެވެ.  މިއީ މި ސްކޫލުގެ މުދައްރިސުންނާއި ބެލެނވެރިންގެމެދުގައި އޮންނަ ގުޅުން އިތުރަށް ހަރުދަނާކޮށް، އެކުވެރިކަމާއި އެއްބައިވަންތަކަން އާލާކުރުމުގެ މަޤުޞަދުގައި ހިންގުނު ޙަރަކާތްތަކެކެވެ.  މިގޮތުން ހިންގުނު ޙަރަކާތްތަކުގެތެރޭގައި

29 ސެޕްޓެމްބަރގައި ބައިސްކަލް ބުރަކާއި ވައުދެމުން

31 ސެޕްޓެމްބަރގައި އޮބްސްޓަކްލް ރޭސް

2 އޮކްޓޫބަރގައި ދަރިވަރުންގެ ފަރާތުން ބެލެނިވެރިންނަށް ކާޑު ހަދިޔާކުރުން

2 އޮކްޓޫބަރގައި މުދައްރިސުންގެފަރާތުން ބެލެނިވެރިންނަށް ދެއްވި ރޭގަނޑުގެ ފަރީއްކޮޅު ފާހަގަ ކޮށްލެވެއެވެ. 

ގިނަ ޢަދަދެއްގެ ބެލެނިވެރިން ބައިވެރިވި މި ޙަރަކާތްތައް ކުރިޔަށް ގެންދިއުމުގައި މި ސްކޫލުގެ އެންމެހައި މުއައްޒަފުންގެ ފަރާތުން ވަރަށް ފުރިހަމައަށް އެހީތެރިކަމާއި އެއްބާރުލުން ލިބިފައި ވެއެވެ. 

ގދ.އަތޮޅު ތަޢުލީމީ މަރުކަޒުން އިންތިޒާމްކޮށްގެން، 25 ސެޕްޓެމްބަރ 2019 ގައި ބޭއްވުނު އިންޓަރ ސްކޫލް ސައިންސް ފެއަރގައި މި ސްކޫލުން ބައިވެރިވެ، ފަޚުރުވެރި ކާމިޔާބުތަކެއް ލިބިއްޖެއެވެ.  މި ސްކޫލުގެ އިތުރުން، އަބޫބަކުރު ސްކޫލާއި ގދ.އަތޮޅު ތަޢުލީމީ މަރުކަޒުން ބައިވެރިވި މި ފެއަރގައި މިސްކޫލުގެ ގްރޭޑް 4، 5، އަދި 6ން ޖުމްލަ 12 ޕްރޮޖެކްޓެއްގައި 72 ދަރިވަރުން ބައިވެރިވެފައި ވެއެވެ.  ތިނަދޫ ކައުންސިލުން ސްޕޮންސަރ ކޮށްގެން ބޭއްވުނު މި ފެއަރގައި އެކި ގްރޭޑްތަކުން ބައިވެރިކުރި ޕްރޮޖެކްޓްތަކުގެތެރެއިން،

ގްރޭޑް 4 ން 2 ވަނަ

ގްރޭޑް 5 ން 1 ވަނަ، 2 ވަނަ، އަދި 3 ވަނަ

ގްރޭޑް 6 ން 1ވަނަ މި ސްކޫލަށް ލިބިފައިވެއެވެ. ޔ

މި ފެއަރއަށް ޕްރޮޖެކްޓްތައް ތައްޔާރުކުރުމުގައި މުދައްރިސުން ކުރެއްވި ބުރަ މަސައްކަތާއި، ބެލެނިވެރިންގެ ފަރާތުން ލިބުނު އެހީތެރިކަމާއި އެއްބާރުލުން ފާހަގަ ކުރެވުނެވެ. 

މި ސްކޫލުގެ އިންޓަރހައުސް 4 ވަނަ މަދަޙަ މުބާރާތް ސެޕްޓެމމްބަރ 18 އަދި 19 ވަނަ ދުވަހު ކުރިޔަށް ގެންދެވުނެވެ.  މި މުބާރާޓުގައި މި ސްކޫލުގެ ހަތަރު ހައުސުން ޖުމްލަ 115 ދަރިވަރުން ވާދަކޮށްފައިވެއެވެ.  މި މުބާރާތަކީ މި ސްކޫލުގެ ދަރިވަރުންގެމެދުގައި އިސްލާމް ދީނާއި ކީރިތި ރަސޫލާ އަށް ލޯބި ޖެއްސުމާއެކު ކީރިތި ރަސޫލާގެ ސީރަތަށް ދަރިވަރުން ހޭލުންތެރި ކުރުވުމުގެ އިތުރުން ދަރިވަރުންގެ ކިބައިގައި މަދަޙަ ކިޔުމުގެ ހުނަރު ކުރިއެރުވުމުގެ މަޤުޞަދުގައި ބޭއްވުނު މުބާރާތެކެވެ.  5 ޢުމުރުފުރައަކަށް ބާލައިގެން ކުރިޔަށް ގެންދިޔަ މި މުބާރާތުގެ އެންމެ މޮޅު ދަރިވަރަކަށް ހޮވިފައިވަނީ ޔާގޫތު ހައުސްގެ މަރްޔަމް ތީޖާން ސިނާނެވެ.  ފެންފިޔާޒް ހައުސްގެ ޔަނާލް ޢަބްދުﷲ ޝަރީފް މުޅި މުބާރާތުން ދެވަނަ ހޯދާފައިވާއިރު 3 ވަނަ ޙާޞިލް ކޮށްފައިވަނީ ޔާގޫތު ހައުސްގެ އަޝްހަމް އަޙުމަދު ވަޙީދެވެ.  މުޅި މުބާރާތުން 3 ވަނަ ހައުސްއަކަށް ފެންފިޔާޒް ހައުސް ހޮވިފައިވާއިރު 2 ވަނަ ޙާޞިލް ކޮށްފައިވަނީ ޔާގޫތު ހައުސެވެ.  އަދި މުޅި މުބަރާތުގެ ފަޚުރުވެރި 1 ވަނަ ޙާޞިލް ކޮށްފައިވަނީ ފީރޯޒް ހައުސެވެ.  މި މުބާރާތުގައި ފަނޑިޔާރުކަން ކޮށްދެއްވީ މޯލްޑިވިއަން އައިޑޮލްއިން މަޝްހޫރުވި ކުޅަދާނަ ލަވަކިއުންތެރިޔާ މުޙައްމަދު ޒަލީފް ޢަބްދުﷲއާއި، ތިނަދޫގައި މިޒިކުގެ ދާއިރާއިން ފުންނާބު އުސް ލަވަކިޔުންތެރިއެއްކަމަށްވާ އިބްރާހީމް އަސްޢަދުގެ އިތުރުން، ދިވެހިބަހަށް ކުޅަދާނަ ބޭފުޅެއްކަމުގައިވާ ޢަދުނާނު އިސްމާޢިލްވެ.  މި މުބާރާތް ނިންމުގެ ރަސްމިއްޔާތުގައި މުބާރާތުގައި ބައިވެރިވި ދަރިވަރުންނާއި ފަނޑިޔާރުންނަށް ހަނދާނީ ލިޔުން ދިނުމުގެ އިތުރުން، ވަނަވަނައަށް ހޮވުނު ދަރިވަރުންނަށް ސެޓްފިކެޓް ދިނުމާއި މުބާރާތުން 1 ވަނަ ހޯދި ދަރިވަރުންނަށް ތަށްޓާއި،  ސެޓޤފިކެޓް ދިނުން އޮތެވެ.  މި ރަސްމިއްޔާތުގެ ޝަރަފްވެރި މެހުމާނަކީ މިއުޒިކުގެ ރޮގުން ތިނަދޫއަށް ގިނަގުނަ ޚިދުމަތްތަކެއް ކުރައްވާފައިވާ ކުޅަދާނަ ކީބޯޑް ކުޅުންތެރިޔާ އަދި ލަވަކިއުންތެރިޔާ މުޙައްމަދު އަޚުތަރެވެ.   މ

 މި ސްކޫލުގެ ކިޑްސް ކޭމްޕް، 12 ސެޕްޓެމްބަރ 2019 ވީ ބުރާސްފަތި ދުވަހު  މި ސްކޫލުގައި ބޭއްވިއްޖެއެވެ.  ސްކޫލުގެ ހުރިހާ ދަރިވަރުންނަށް ބޭއްވުނު މި ކޭމްޕް  ހެނދުނު 7:00ން އިރު އޮއްސި 6:00 އާ ހަމައަށް ކުރިއަށް ގެންދެވުނެވެ.  މި ކޭމްޕުގައި ދަރިވަރުންގެ ޢުމުރާ ގުޅޭގޮތަށް، އެ ކުދިން ގަޔާވާފަދަ، އުނގެނުމުގެ ތަފާތު ޙަރަކާތްތައް ކުރިޔަށް ގެންދެވުނެވެ.  ހެނދުނުގެ ކަސްރަތާއެކު ފެށުނު މި ކޭޕުގައި ކްރިއޭޓިވް ޒޯނަކާއި، ޗެލެންޖް ޒޫނުގެ އިތުރުން އެޑްވެންޗަރ ޒޯނަކާއި ފިނިމައިޒާނުގެ އިތުރުން ސިނަމާ ހޯލުގައި އެކިއެކި ޙަރަކާތްތައް ގެނދެވުނެވެ.  މި ކޭމްޕް ކާމިޔާބުކަމާއެކު ގެންދިއުމުގައި މި ސްކޫލުގެ އެންމެހައި މުއައްޒަފުންނާއި ބެލެނިވެރިންގެ ފަރާތުން ވަރަށް ބޮޑު އެހީތެރިކަމާއި އެއްބާރުލުން ލިބިފައިވެއެވެ.  މި ކޭމްޕް ކުރިޔަށް ގެންދިއުމުގައި، ޖައިޝަމް އަޙުމަދު، މުޙައްމަދު އަޚްތަރު، ޒަމިތު ޖަމީލް، މާނިިޝް ޞަލާޙް، މައިޝަމްގެ އިތުރުން ތިނަދޫ ޕޮލިސް ސްޓޭޝަނުގެ އެހީތެރިކަން ލިބިފައި ވެއެވެ.  މ 

މި ސްކޫލުގެ ޔުނީފޯމު ޙަރަކާތްތަކުގައި ބައިވެރިވާ ދަރިވަރުންގެ ހުވައި ކުރުމުގެ ރަސްމިއްޔާތު މިއަދު  (11 ސެޕްޓެމްބަރ 2109) މި ސްކޫލުގައި ކުރިޔަށް ގެންދެވުނެވެ.  މި ރަސްމިއްޔާތުގައި މި ސްކޫލުގެ ސްޓަރ ދަރިވަރުންނާއި، ޕްރީ-ކަބް ދަރިވަރުންގެ އިތުރުން ކަބްސްކައުޓާއި ލިޓްލްމެއިޑް އަދި ގާރލް ގައިޑުންގެ ތެރެއިން 134 ދަރިވަރުން ހުވައި ކޮށްފައި ވެއެވެ.  މި ސްކޫލުގެ ހުރިހައި ދަރިވަރުންނާއި މުދައްރިސުން ބައިވެރިވި މި ރަސްމިއްޔާތުގެ ޝަރަފްވެރި މެހުމާނަކީ އަބޫބަކުރު ސްކޫލުގެ ޕްރިންސިޕަލް އަދި ގައިޑް ލީޑަރ ޖަމްޝީދާ ޢަބްދުﷲ އެވެ. މީގެ އިތުރުން ޕްރެޒިޑެންޓް ސްކައުޓް އަނޫފް އަޙުމަދު މި ރަސްމިއްޔާތުގައި،  ޚާއްޞަ މެހެމާނެއްގެ ގޮތުގައި ބައިވެރިވެވަޑައިގެންނެވިއެވެ.  މި ރަސްމިއްޔާތުގައި ހުވައިކުރި ދަރިވަރުންނަށް ސެޓްފިކެޓާއި، ބެޖާއި، ސްކާފް ޙަވާލު ކޮށްދެއްވީ ޝަރަފްވެރި މެހުމާނާއި، ޚާއްޞަ މެހުމާނުގެ އިތުރުން މި ސްކޫލުގެ ޔުނީފޯމު ޙަރަކާތްތަކުގެ ލީޑަރުންނެވެ.  މި ރަސްމިއްޔާތުގައި ދަރިވަރުންގެ ފަރާތުން މުނިފޫހިފިލުވުމުގެ އައިޓަމްތަކެއް ހުށަހެޅިއެވެ.  ކުލަގަދަ ގޮތެްގައި މި ރަސްމިއްޔާތު ކުރިޔަށް ގެންދިއުމުގައި މި ސްކޫލުގެ އެންމެހައި ސްޓާފުންނާއި ބެލެނިވެރިންގެ ފަރާތުން ވަރަށް ބޮޑު އެހީތެރިކަމާއި އެއްބާރުލުން ލިބިފައި ވެއެވެ.   މ

ތިނަދޫ ސްކޫލުގެ ސައިންސް ފެއަރ 2019 ބޭއްވިއްޖެއެވެ.  މި ފެއަރ ބޭއްވިފައިވަނީ 19 އޮގަސްޓް 2019 (ހޯމަ) ދުވަހު ހެނދުނު 8:30ން ފެށިގެންނެވެ.  މިފެއަރގައި ފައުންޑޭޝަން ސްޓޭޖް އަދި ކީ ސްޓޭޖް 1 ން ޖުމްލަ 125 ދަރިވަރުން ބައިވެރިވެފައިވެއެވެ. މި ފެއަރއަކީ، އާ ކަރިކިޔުލަމްގެ ސައެންސާއި ޓެކްނޮލޮޖީގެ މައިގަޑު ލަނޑުދަނޑިތައް ހާސިލް ކުރުމުގެ މަގްސަދުގައި ކުރިއަށް ގެންދެވުނު ހަރަކާތެކެވެ.  ދަރިވަރުންނަކީ ބަވަނަވެފައިވާ މުޖްތަމަޢަކަށް ލޯ ހުޅުވިފައިވާ، ދެމެހެއްޓެނިވި ތަރައްގީއަށް މަސައްކަތްކުރާ، ޒިންމާދާރު ލީޑަރުންތަކެއް ބިނާކުރުމަކީވެސް މި ފެއަރގެ މަޤްޞަދެކެވެ. މީގެ އިތުރުން، ކެރިންގެން ވާހަކަދައްކުމާއި، ކުރެވޭ ސުވާލުތަކަށް ފަސްނުޖެހި ޖަވާބުދޭން އެނގޭ ދަރިވަރުންތަކެއް ބިނާކުރުމުގެ އިތުރުން، ކަންކަން ހޯދައި، ވިސްނާ، މާތްﷲ ގެ ކުޅަދުންވަންތަކަން އަބަދުމެ ހަނދާންކުރާ، ދީންވެރި ދަރިވަރުންތަކެއް ބިނާކުރުމާއި، އެހެން ކުދިންނާ އެކުގައި ގުޅިގެން މަސައްކަތްކުރެވޭ އެކުވެރި ދަރިންތަކެއް ބިނާކުރުމަކީވެސް މި ފެއަރގެ މަޤްޞަދުތަކުގެތެރޭގައި ހިމެނޭ ކަންކަމެވެ.    ބައިވެރިވުމަށް ބޭނުންވާ ހުރިހާ ދަރިވަރުންނަށް ހުޅުވާލެވިފައިވާ މިފެއަރގައި ތައްޔާރުކުރި ޕްރޮޖެކްޓްތައް ތައްޔާރުކުރުމުގައި ބެލެނިވެރިންގެ އެހީތެރިކަން ވަރަށް ބޮޑަށް ލިބިފައިވެއެވެ.   މި ފެއަރ ކުރިޔަށް ގެންދިއުމުގައި، ސްކޫލްގެ ހުރިހާ ޓީޗަރުން، އެސް.އެމް.ޓީގެ އެންމެހައި މެމްބަރުން، ވަކިން ޚާއްސަކޮށް ފައުންޑޭޝަން ސްޓޭޖް އަދި ކީސްޓޭޖް 1 ގެ ހުރިހާ ސައެންސް ޓިޗަރުންނާއި ބެލެނިވެރިންގެ އިތުރުން، އެޑްމިނިސްޓްރޭޓިވް ސްޓާފުން އަދި މަސައްކަތު މީހުންގެ އެހީތެރިކަން ވަރަށް ފުރިހަމައަށް ލިބިފައި ވެއެވެ. ނ

މިއަހަރު ބޭއްވުނު އިންޓަރ ސްކޫލް މުބާރާތްތަކުގެތެރެއިން މި ސްކޫލުން ބައިވެރިވި މުބާރާތްތަކުން ލިބުނު ކާމިޔާބީ ފާހަނގަ ކުރުމުގެ ގޮތުން ޚާއްޞަ އެސެމްބްލީއެއް ބޭއްވިފައި ވެއެވެ.  މި އެސެމްބްލީގައި، މި ސްކޫލުގެ ދަރިވަރުން ބައިވެރިވި، އިންޓަރ ސްކޫލް މުބާރާތްތައް ކަމުގައިވާ 22 ވަނަ އިންޓަރ ސްކޫލް އެތުލެޓިކްސް މީޓާއި، 22 ވަނަ އިންޓަރ ސްކޫލް އެތުލެޓިކްސް ޗެމްޕިއަންޝިޕުގެ އިތުރުން ތިނަދު ކައުންސިލުގެ 7 ވަނަ ޤުރުއާން މުބާރާތުން ލިބުނު ކާމިޔާބީތައް ފާހަނގަކޮށް އެ މުބާރާތްތަކުން ވަނަވަނަ ޙާޞިލް ކުރި ދަރިވަރުންނަށް ސެޓްފިކެޓާއި، މެޑެލާއި، ޓްރޮފީ ޙަވާލު ކުރެވުނެވެ.  މި މުބާރާތްތަކުގައި ބައިވެރިވި ދަރިވަރުންނަށް މި އެސެމްބްލީގައި ރަތްދޫލައިގެ މަރުޙަބާއެއް ކިޔާފައިވެއެވެ.  އެސެމްބްލީ ޝަރަފްވެރި ކޮށްދެއްވީ ތިނަދޫ ކައުންސިލުގެ ރައީސް އިބްރާހީމް އަސްޢަދާއި ކައުންސިލް މެމްބަރު އަމްޖަދު ޙަސަނުގެ އިތުރުން ޕީ.ޓީ.އޭގެ ނާއިބުރައީސް ޖީޒާ ޙަސަނާއި އެތުލެޓިކްސްއިން ރަން މެޑަލް ޙާޞިލް ކޮށްފައިވާ ތިނަދޫގެ ބައެއް އެތުލީޓުންނެވެ.  މ

ތިނަދޫ ސްކޫލުގެ އިންޓަރހައުސް 7ވަނަ ޤުރުއާން މުބާރާތް ނިމުމުގެ ރަސްމިއްޔާތު 31 ޖުލައި 2019 (ބުދަ) ދުވަހުގެރޭ ތިނަދޫ ސްކޫލުގެ ޖައްރާފާ މާލަމުގައި ބޭއްވުނެވެ.  ބަލައގެން ކިޔެވުމުގެ ގޮފީގައިި 113 އަދި ހިތުން ކިޔެވުމުގެ ގޮފީގައި 51 ދަރިވަރުން، ޖުމްލަ 164  ދަރިވަރުން ބައިވެރިވި މި މުބާރާތް ނިންމުމުގެ ރަސްމިއްޔާތުގެ ޝަރަފްވެރި މެހުމާނަކީ މިނިސްޓަރ އޮފް އާރޓްސް ކަލްޗަރ އެން ޑް ހެރިޓޭޖް އޮނަރަބްލް ޔުމްނާ މައުމޫނެވެ.  މީގެ އިތުރުން  ތިނަދޫގައި ހިންގާ ޤުރުއާން ކްލާސްތަކުގެ މަސްއޫލުވެރިންނާއި ޤުރުއާން އުނގަންނައިދިނުމުގެ މަސައްކަތުގައި ޙަރަކާތްތެރިވާ ގިނަ ޢަދަދެއްގެ ޢިއްޒަތްތެރިން، އަބޫބަކުރު ސްކޫލުގެ ޕްރިންސިޕަލް ޖަމްޝީދާ ޢަބްދުﷲ އަދި ތިނަދޫ ކޯޓުގެ މެޖިސްޓްރޭޓް އަލްއުސްތާޒް މުޙައްމަދު ޒާހިރު ޙަސަން، ޚާއްޞަ މެހުމާނުންގެ ގޮތުގައި ބައިވެރިވެ ވަޑައިގެންނެވި މި ރަސްމިއްޔާތު ރޭގަނޑު 8:45 ން 10:30ށް ކުރިޔަށް ދިޔައެވެ.  މ

މި މުބާރާތުގައި މި ސްކޫލުގެ ހަތަރު ހައުސް ކަމުގައިވާ އަލިމަސް ހައުސް، ފެންފިޔާޒް ހައުސް، ފީރޯޒް ހައުސް އަދި ޔާގޫތު ހައުސުން ވާދަކޮށް، މުޅި މުބާރާތުގެ ދެގޮފި އެއްކޮށް، ފަޚުރުވެރި 1 ވަނަ ޙާޞިލް ކޮށްފައިވަނީ އަލިމަސް ހައުސްއެވެ. މުޅި މުބާރާތުން ފީރޯޒް ހައުސް 2 ވަނަ ހޯދާފައިވާއިރު 3 ވަނަ ހޯދާފައިވަނީ ފެންފިޔާޒް ހައުސެވެ.  މީގެ އިތުރުން ބަލައިގެން ކިޔެވުމުގެ ގޮފިން އަލިމަސް ހައުސް 1 ވަނަ ހޯދާފައިވާއިރު ހިތުން ކިޔެވުމުގެ ގޮފިން 1ވަނަ ހޯދާފައި ވަނީ ފީރޯޒް ހައުސެވެ.  ބަލައިގެން ކިޔެވުގެ ގޮފިން  ފީރޯޒް ހައުސް 2 ވަނަ ހޯދާފައިވާއިރު މިގޮފިން 3 ވަނަ ހޯދީ ފެންފިޔާޒް ހައުސެވެ.  އަދި ހިތުން ކިޔެވުމުގެ ގޮފިން 2 ވަނަ ފެންފިޔާޒްހައުސް ކާމިޔާބުކު ކުރިއިރު މިގޮފިން 3 ވަން ޙާޞިލުކުރީ ޔާގޫތު ހައުސެވެ.  މ

މި ޙަފްލާގައި ވަނަވަނައަށް ދިޔަ ދަރިވަރުންނަށާއި ހައުސްތަކަށް ތަށްޓާއި ސެޓްފިކެޓް ދިނުމުގެ އިތުރުން މުބާރާތުގެ އެންމެހައި ބައިރިންނަށާއި ފަނޑިޔާރުންނަށް ހަނދާނީ ލިޔުން ޙަވާލުކުރެވުނެވެ.  މ

މި މުބާރާތަކީ ދަރިވަރުންގެ ހިތްތަކުގައި ކީރިތި ޤުރުއާނަށް ލޯބިޖެއްސުމާއެކު ޤުރުއާން ކިޔެވުމުގެ ފަނުގައި ދަރިވަރުންގެ ހުނަރު ތަރައްޤީކޮށް ކުރިއެރުވުމުގެ މަޤުޞަދުގައި ކޮންމެ އަހަރަކު ބާއްވާ މުބާރާތެކެވެ.  މި 

މި މުބާރާތަށް ދަރިވަރުން ތައްޔާރުކުރުމުގައި ސްކޫލުގެ ހުރިހާ މުދައްރިސުންނާއި ބެލެނިވެރިންގެ އެހީތެރިކަން ވަރަށް މަތީ ދަރަޖައަކަށް ލިބިފައި ވެއެވެ.  މި

ގދ.ތިނަދު ކައުންސިލުން އިންތިޒާމްކޮށްގެން ތިނަދޫގެ ހުރިހާ ސްކޫލްތަކާއި ޤުރުއާން ކްލާސްތަކުގެ އިތުރުން ޢާންމުންނަށް ހުޅުވާލައިގެން، ޖުލައި މަހުގެ 25ން 27ށް ކުރިޔަށް ގެންދިޔަ ، ކައުންސިލުގެ 7 ވަނަ ޤުރުއާން މުބާރާތުގައި މި ސްކޫލުގެ ޓީމުން ގިނަ ކާމިޔާބީތަކެއް ޙާޞިލްު ކޮށްފިއެވެ.  200 އަށްވުރެ ގިނަ  ބައިވެރިން ވާދަކުރި މި މުބާރާތުގައި މި ސްކޫލުން ބައިވެރިވި ދަރިވަރުން ވަނީ އެ ދަރިވަރުން ވާދަކުރި ޢުމުރުފުރާ ތަކުން ހޮވި 30 ވަނައިގެތެރެއިން 15 ވަނަ ޙާޞިލް ކޮށްފައެވެ.  މިގޮތުން މި ސްކޫލަށް ލިބުނު ވަނަތަކުގެތެރޭގައި، މ

މުޅި މުބާރާތުން 02 ގޮފި އެއްކޮށް 02 ވަނަ ސްކޫލް

ޕްރީ ސްކޫލް ބައިން ނުބަލައި ކިޔެވުމުގެ ބައިން  01 ވަނަ

ޖޫނިއަރ ގޫރޫޕުން ނުބަލައި  ކިޔެވުމުގެ ބައިން 02 ވަނަ  

ޖޫނިއަރ ގްރޫޕުން ބަލައިގެން ކިޔެވުމުގެ ބައިން  02 ވަނަ

ޕްރީ ސްކޫލް ބައިން ބަލައިގެން ކިޔެވުމުގެ ބައިން  02 ވަނަ

ސީނިއަރ ގޫރޫޕުން ނުބަލައި  ކިޔެވުމުގެ ބައިން 03 ވަނަ

ނުބަލައި ކިޔެވުމުގެ ބައިން މުޅި މުބާރާތުން 3 ވަނަ  ޙައްވާ އައިރިން އަމްޖަދު

 އަ* 6 އަހަރުން ދަށް ނުބަލައި  ކިޔެވުމުން 1 ވަނަ  ޙައްވާ އައިރިން އަމްޖަދު

 އަ* 9 އަހަރުން ދަށް ބަލައިގެން ކިޔެވުމުން 1 ވަނަ  ފާތިމަތު އިޒްކާ ހުސައިން

 އަ* 13 އަހަރުން ދަށް  ނުބަލައި ކިޔެވުމުން 1 ވަނަ  ޢައިޝަތު ޝިރުއާ ޢަބްދުﷲ

 އަ* 6 އަހަރުން ދަށް ނުބަލައި  ކިޔެވުމުން 2 ވަނަ  މުޙައްމަދު ކިނާން މުރުތަޟާ

 އަ* 7 އަހަރުން ދަށް ނުބަލައި  ކިޔެވުމުން 2 ވަނަ  ޔޫސުފް އިޒްޔާން ބިން އިބްރާހީމް

 އަ* 9 އަހަރުން ދަށް ބަލައިގެން ކިޔެވުމުން 2 ވަނަ  އަޙުމަޝަމް އަޙުމަދު ވަޙީދު 

 އަ* 9 އަހަރުން ދަށްނުބަލައި  ކިޔެވުމުން 2 ވަނަ  ޢައިޝަތު ސާތު ރަޝީދު

 އަ* 11 އަހަރުން ދަށް ބަލައިގެން ކިޔެވުމުން 2 ވަނަ  ކުލްޘޫމް ބިންތި ޝާމިލް

 އަ* 11 އަހަރުން ދަށް ބަލައިގެން ކިޔެވުމުން 2 ވަނަ  އިސްމާޢީލް ނިކިޔާލް ނާޞިޙް

 އަ* 11 އަހަރުން ދަށް ނުބަލައި  ކިޔެވުމުން 2 ވަނަ  މުޙައްމަދު ސާދިން ރަޝީދު

 އަ* 9 އަހަރުން ދަށް ބަލައިގެން ކިޔެވުމުން 3 ވަނަ  ފާތިމަތު ނަޝްމީ ނިޝާން

އަ* 9 އަހަރުން ދަށް ނުބަލައި  ކިޔެވުމުން 3 ވަނަ  ޒައިނަބް ބިންތި ނަސްރުﷲ 

 އަ* 11 އަހަރުން ދަށް ބަލައިގެން ކިޔެވުމުން 3 ވަނަ  ޢައިޝަތު ޔޫމީ ޔޫޝަޢު 

 އަ* 11 އަހަރުން ދަށްބަލައިގެން ކިޔެވުމުން 3 ވަނަ  މޫސާ ޙާސީން ޔާސިރު 

 އަ* 11 އަހަރުން ދަށް ނުބަލައި  ކިޔެވުމުން 3 ވަނަ  ފާތިމަތު ހައިޝާ ނާޒިމް

މި މުބާރާތް ނިންމުގެ ރަސްމިއްޔާތު ޝަރަފްވެރިކޮށްދެއްވީ މިނިސްޓަރ އޮފް އިސްލާމިކް އެފެއަރޒް ޑރ.އަޙުމަދު ޒާހިރެވެ.  މ

  

ޘަޤާފީ މަހާސަމާ މި ޖުލައިމަހުގެ 14 އިން 15 އަށް މި ސްކޫލުގައި ބާއްވިައިފައި ވެއެވެ.  މި ޙަރަކާތަކީ، ދަރިވަރުންގެ މުޤައްރަރުގައި ހިމެނޭ މުހިއްމު އެއް ސްޓްރޭންޑް ކަމުގައިވާ 'ކަލްޗަރ' އާ ބެހޭ މަޢުލޫމާތު ދަރިވަރުން ޝައުޤުވެރިވާފަދަ ތަފާތު ގޮތަކަށް ދިނުމުގެ މަޤުޞަދުގައި 2 ދުވަހުގެ މުއްދަތަށް ހިންގުނު ޙަރަކާތެކެވެ.  މި މަހާސަމާއިން، ދަރިވަރުންނަށް ދަސްކޮށްދެވުނު ކަންތައްތަކުގެތެރޭގައި، ދިރިއުޅުމުގެ ވެއްޓާ ގުޅޭ އަގުތަކާއި، ބަދަލުވަމުންދާ ޘަޤާފަތްތަކާއި، އެހެން މީހުންނާ ގުޅިގެން އުޅުމާއި، ދޭހަވުމާއި ދޭހަކޮށްދިނުމުގެ އިތުރުން ޘަޤާފަތްތައް އައިސްފައިވަނީ އެކިކަހަލަ ޤަބޫލްކުރުންތަކާ ގުޅިގެންކަންފަދަ ބައިތައް ހިމެނެއެވެ.  މި މަޢުލޫމާތު ދަރިވަރުންނަށް ފޯރުކޮށްދިނުމުގެ ގޮތުން މުއާޞަލާތުގެ އެހާރާއި މިހާރު، ވިޔަފާރީގެ އެހާރާއި މިހާރު، މަސްވެރިކަމުގެ އެހާރާއި މިހާރު، ނަކަތްގެލެއްވުމުގެ އެހާރާއި މިހާރުގެ އިތުރުން ދިވެހި މަސައްތަކްތެރިކަމުގެ ތެރެއިން ރޯނުވެށުމާއި، ދަނޑުވެރިކަން، ތަފާތު ސްޓޯލް ތަކުގައި ދައްކައިދީ އެކަންތައްތައް ތަޖުރިބާ ކުރުމުގެ ފުރުޞަތު ދަރިވަރުންނަށް ދެވިފައި ވެއެވެ.  މީގެ އިތުރުން، އިހުޒަމާނުގައި ، ތިނަދޫގައި ކުޅެއުޅުނު ތަފާތު ގިނަ ކުޅިވަރުތަކެއް، އެކި ގްރޭޑްތަކުގެ ދަރިވަރުން ހުށަހަޅައި ދީފައިވެއެވެ.  އަދި ދިވެހިންގެ ޘަޤާފަތުގެ ތެރޭގައި ހިމެނޭ ކޭން ތައްޔާރު ކުރާގޮތާއި ކޭމުގައި ހިމެނޭ ކާނާގެ ނަންތަކާއި އެ ކާނާތައް އަމިއްލައަށް ތަޖުރިބާ ކުރުމުގެ ފުރުޞަތު ދަރިވަރުންނަށް ދެވުނެވެ.  މި ސްކޫލުގެ ކޭ.ޖީއިން ފެށިގެން ގްރޭޑް 6 ގެ ހުރިހައި ދަރިވަރުން ބައިވެރިވި މި ބޮޑު ޙަރަކާތުގައި ތިނަދޫގެ އަބޫބަކުރު ސްކޫލާއި ތަޢުލީމީ މަރުކަޒުގެ ބައެއް ދަރިވަރުންގެ އިތުރުން ޢާންމުންގެ ގިނަބައަކު ބައިވެރިވެފައި ވެއެވެ.  މި ޙަރާކާތް ކާމިޔާބުކަމާއެކު ހިންގުމުގައި މި ސްކޫލުގެ މުދައްރިސުންނާއި ބެލެނިވެރިން ވަރަށް އެކުވެރިކަމާއެކު ބުރަ މަސައްކަތްތަކެއް ކުރައްވާފައިވާކަން ފާހަގަ ކުރެވުނެވެ.  ނ

ގާލްގައިޑް އެސޯސިއޭޝަން އޮފް މޯލްޑިވްސްއާއި ތިނަދޫގެ 3 ސްކޫލްކަމުގައިވާ ތިނަދޫ ސްކޫލާއި، އަބޫބަކުރު ސްކޫލާއި ގދ.އަތޮޅު ތަޢުލީމީ މަރުކަޒު ގުޅިގެން މި 3 ސްކޫލުގައި ހިމެނޭ ސްޓަރ، ލިޓްލްމެއިޑް އަދި ގާރލް ގައިޑު ދަރިވަރުންނަށް ޚާއްޞަ ޙަރަކާތްތަކެއް މިއަދުންފެށިގެން 2 ދުވަހުގެ މުއްދަތަށް ކުރިޔަށް އެބަދެއެވެ. މި ޙަރަކާތްތައް ކުރިޔަށް މިދަނީ އިނގިރޭސި ވިލާތުގެ 6 ގައިޑު ލީޑަރުންގެ އެހީތެރިކަމާއެކު އިގިރޭސި ވިލާތުގައި މި ޙަރަކާތްތައް ގެންދާ ގޮތުގެ ތަމްރީންތައް މި ސްކޫލްތަކުގެ ދަރިވަރުންނަށާއި ލީޑަރުންނަށް ލިބޭފަދަ ގޮތަކަށް ފަރުމާ ކޮށްގެންނެވެ.  މި ޙަރަކާތް ކުރިޔަށް ގެންދިއުމުގައި ތިނަދޫ ކައުންސިލާއި ގދ.އަތޮޅު ކައުންސިލުގެ ފުރިހަމަ އެހީތެރިކަމާއި އެއްބާރުލުން ސްކޫލްތަކަށް ލިބިފައިވެއެވެ.  މީގެ އިތުރުން ސްކޫލްތަކުގެ ގައިޑް، ކަބް،އަދި ސްޓާރ ލީޑަރުންނާއި ބެލެނިވެރިންގެ މަދަދާއި އެއްބާރުލުން މި ޙަރަކާތަށް ލިބިފައި ވެއެވެ.  މ  

ޖ 23 ޖޫން އިން 27 ޖޫންއަށް ގދ.ތިނަދޫ ޒޯން ސްޓޭޑިއަމްގައި ކުރިޔަށްދިޔަ އިންޓަރ ސްކޫލް އެތުލެޓިކްސް މީޓުގައި 13 އަހަރުން ދަށުގެ އަންހެން   ކުދިންގެ  ޗެމްޕިއަންކަމާއި 13 އަހަރުން ދަށުގެ ފިރިހެން ކުދިންގެ ރަނަރއަޕް ކަން ތިނަދޫ ސްކޫލުގެ ޓީމު ހޯދައިފިއެވެ.   ދިވެހިރާއްޖޭގެ ހުރިހައި ސްކޫލްތަކަށް ހުޅުވާލައިގެން ބޭއްވުނު މި މުބާރާތުގައި މާލެއާއި، އައްޑޫ، ފުއައްމުލަކާއި، ގއ.އާއި ގދ.ގެ ސްކޫލްތަކުގެ އިތުރުން  ދ އަތޮޅާއި ލ.އަތޮޅުގެ 29 ސްކޫލަކުން 600އަށް ވުރެ ގިނަ އެތުލީޓުން ވާދަކޮށްފައިވެއެވެ. ތިނަދޫ ސްކޫލަކީ  ޕްރައިމަރީ ސްކޫލަކަށް ވުމާއެކު މި މުބާރާތުގައި ތިނަދޫ ސްކޫލުން ބައިވެރި ވެފައިވަނީ ހަމައެކަނި 13 އަހަރުން ދަށުގެ ޢުމުރުފުރާގައި 24 އެތުލީޓުންނެވެ.  މި ޢުމުރުފުރާގައި ތިނަދޫ ސްކޫލުން ބައިވެރިވި ހުރިހައި އަންހެން ދަރިވަރުންނަށް ރަން މެޑަލް ލިބިފައިވާއިރު މި ސްކޫލުން ބައިވެރިވި ހުރިހައި ފިރިހެން ދަރިވަރުންނަށް ސިލްވަރ މެޑަލް ލިބުމަކީ މި މުބާރާތުން މި ސްކޫލަށް ލިބުނު ވަރަށް ފަޚުރުވެރި ކާމިޔާބީއެކެވެ.  މި ޓީމުގެ ކޯޗުންގެ ގޮތުގައި މަސައްކަތް ކުރައްވާފައިވަނީ މި ސްކޫލުގެ ސްޕޯރޓްސް ސްޕަވައިޒަރ މުޙައްމަދު މުހައިމިނާއި އެޑްމިނިސްޓްރޭޓަރ އަޙުމަދު ޞަދޫގެވެ.  މީގެ އިތުރުން މި ސްކޫލުގެ މުދައްރިސުންގެ އިރުޝާދު މެދުކެނޑުމެއްނެތި ޓީމަށް ލިބިފައިވެއެވެ. އަދި މި ކާމިޔާބު ޙާޞިލު ކުރުމުގައި ބެލެނިވެރިންގެ އެހީތެރިކަމާއި އެއްބާރުލުން އިންތިހާއަށް ލިބިފައި ވެއެވެ.  ކ  

ސްކައުޓް އެސޯސިއޭޝަން އޮފް  މޯލްޑިވްސްގެ ފަރާތުން ބާއްވާ ކަބްރެލީ ގިނަ އަހަރުތަކަކަށްފަހު ރާއްޖޭގެ 3 ސަރަޙައްދެއްގައި ބާއްވައިފިއެވެ.  ޤައުމީ ފެންވަރެއްގައި ބޭއްވުނު މި ކަބް ރެލީ، ހުވަދު އަތޮޅާއި ފުއައްމަލައް އަދި އައްޑޫ ހިމެނޭ ސަރަޙައްދުގެ ހުރިހައި ސްކޫލްތަކަށް އަމާޒުކޮށްގެން ބާއްވާފައިވަނީ ގދ.ތިނަދޫގައެވެ.  މިިއިވެންޓް ތިނަދޫގައި ހޮސްޓް ކޮށްފައިވަނީ ތިނަދޫ ސްކޫލުގެ ފަރާތުންނެވެ.  160 އަށްވުރެ ގިނަ ދަރިވަރުން ބައިވެރިވި މި ކަބް ރެލީ ކުރިޔަށް ގެންދިއުމުގައިމި ކަބް ރެލީގައި ބައިވެރިވެފައިވަނީ ސ.ފޭދޫ ސްކޫލާއި، ގއ.އަތޮޅު ތަޢުލީމީ މަރުކަޒާއި، ގދ.އަތޮޅު މަދަރުސާގެ އިތުރުން ގދ.ތިނަދޫއިން އަބޫބަކުރު ސްކޫލާއި ތިނަދޫ ސްކޫލެވެ. މި ޙަރަކާތް ކުރިޔަށް ގެންދިއުމަށް، ގދ.ތިނަދޫގައި ހުރި އެކިއެކި މުއައްސަސާތަކުގެ އެހީތެރިކަމާއި އެއްބާރުލުން ވަރަށް ބޮޑަށް ލިބިފައިވެއެވެ.  އެގޮތުން އަބޫބަކުރު ސްކޫލާއި ތިނަދޫ ކައުންސިލާއި، ހުވަދުއަތޮޅު ދެކުނުރި ކައުންސިލް، އަދި ޑރ.ޢަބްދުއަޞަމަދު މެމޯރިއަލް ހޮސްޕިޓަލުގެ އިތުރުން އެމް.އެން.ޑި.އެފް. (ކާނޑެއްދޫ)، ތިނަދޫ ޕޮލިސްގެ އިތުރުން ގދ.އަތޮޅު ތަޢުލީމީ މަރުކަރުގެ އެހީތެރިކަން މި ރެލީއަށް ލިބިފައި ވެއެވެ.  މީގެ އިތުރުންތިނަދޫ ސްކޫލާއި އަބޫބަކުރު ސްކޫލުގެ ބެލެނިވެރިންނާއި މުއައްޒަފުންގެ އެހީތެރިކަން ވަރަށް ފުރިހަމައަށް ލިބިފައި ވެއެވެ.  ހަމަ މިއާއެކު، ތިނަދޫ ސްކޫލާއި އަބޫބަކުރު ސްކޫލުގެ ސްކައުޓް ލީޑަރުންނާއި މުދައްރިސުންގެ އެހީތެރިކަން ވަރަށް ފުރިމައަށް ލިބިފައި ވެއެވެ.  މި ކަބް ރެލީ ކުރިޔަށް ގެނދެވީ ސްކައުޓް އެސޯސިއޭޝަނުގެފަރާތުން މި ކަބް ރެލީގެ ކަންތައްތައް ބެލެހެއްޓެވި ސްކައުޓް ލީޑަރ ފާރިޝްގެ އިރުޝާދާއެކު ތިނަދޫ ސްކޫލުގެ ސްކައުޓް ލީޑަރ ޝިފާ މުޙައްމަދެވެ.  ވ

 ބާވީސްވަނަ  އިންޓަރ ސްކޫލް އެތުލެޓިކްސް މީޓަށް ޒޯން ސްޓޭޑިއަމް 7 ތައްޔާރު ކުރުމުގެ މަސައްކަތުގެތެރެއިން، ސްޓޭޑިއަމް ސާފުކުރުމަށް ތިނަދޫގެ  ހުރިހާ މުއައްސަސާތަކެއް ގުޅިގެން ހިންގި ޙާރާކާތުގައި މި ސްކޫލުން ބައިވެރި ވެއްޖެއެވެ.  މި މަސައްކަތުގައި މި ސްކޫލުގެ ގިނަ މުއައްޒަފުންތަކެއް ބައިވެރިވެ ، ވަރަށް ފޯރިއާއެކު މަސައްކަތް ކޮށްފައިވާކަން ފާހަގަ ކުރެވުނެވެ